أعاتبنك
أعاتبنك والعتاب يطول من روحي الحزينه
وأرد أكلك وين وعدك والمزامط ذاك وينه
يلي كتلي البعد ماهو فراك والمحتام يتسله بونينه
وكتلي ذمه الدين والمطلوب لازم يوفي دينه
كلبي مفتون بعشك سجان مايرحم سجينه
بسك يكلبي تلوب ماظنه يهواك
لوبيه محنه وشوك ماكطع وياك
أعاتبنك
عتبة محبين وأطباع المحب يعتب بعينه
أنت مودكيت صدرك للوفه وتعاهدينه
ياذنب منه بدالك وشغيرك وطيت بينه
هاي تالية العشك ياخذ من السباح طينه
جنت أظنك عون للسفان لوجاس الوكت ضلع السفينه
وحسبت لنك تعدلي الحمل لومال وعليك أنتجينه
ودعينه الروح بجفوفك رهن حسبالنه جفوفك أمينه
ظالم وعندك أرواح الناس تنباع برخص ماهي
ثمينه
العتب موش عليك العتب عالروح
باعت رخيص وياك تستاهل النوح
أعاتبنك والعتب شيفيد للمايستحي ويعرك جبينه
ياحسافه أرخصت دمعاتي بوجه بذات ماتنكسر عينه
وياحسافه العمر بين فراك وهموم وقهر ضاعن سنينه
شحن أيام الفرح والعيد سد بابه علينه
وفوك غربتنه وهضمنه المرض دك بسمار بينه
أعاتبنك عالكباحه البيك وسوالف الشينه
حجيك يشك المراره واليحبك يوشك يكفر بدينه
تبنه كلنه ومانردلك ونرجع وننسه حجينه
خايب أدمنه عله حبك جنها كوه وموبدينه
حكك تون وتنوح ياكلبي أعذرك
جي تتعب عله الناس الماتقدرك
موضوع: أعاتبنك قصيده ودارمي 
السبت 01 نوفمبر 2008, 11:08 pm
