قصيده للشاعر نائل المظفر

على كل حال نحمد الله يا صاح
ولو على الفات دم تبجي الهواجس
عگب ذيج المضايف والدواوين
تصير بيوتنه صفوف المدارس
فرش ناهي الكتب ماعنده حصران
وترس ناهي الشعر لحد ينافس
گصه ويانه الوكت ماخله كنتور
بالرحلات سفطنه الملابس
يلوم المادره بعلتنه عباس
وتبجينه الملامه وشنهي الاسباب
تركنه الجامعات واحنه شبان
وگعدنه بصف الاول وحنه شيااااب
يحاربنه الشته وما بيدنه سلاح
ونحير نصد برد لو ننفض تراب
على الشباج لزكنه القراءأت
وطلع رمح البرد من ضهر الكتاب
تخاف الناس من سرب الخفافيش
لان كلما تطير احبابها تنام
وانه وجاري نخاف من العصافير
لان كلما تحط يشكك الجام
بين اهل المدارس ماكو اسرار
ما اضم اعلى جاري ولا علي ضام
اضم شلون سري اعلى الجوارين
اذا جيراني يسمع حتى الاحلام
يعباس الصفوف بليه بيبان
ونخاف اعلى الشرف من عين الاجناب
على الصبوره نكتب باب مو دار
حتى نشيلها ونلزگها عالباب
گبل بيت اهلي عنده تبات البيوت
گبل بيبانه معزبات الاصحاب
گبل ديوانه محزم بالدلال
گبل ضيفنه اليجي نفرشله الرگاب
گبل ماضل گبل بعناه يعباس
وگعدنه بمدرسه ولاحگنه طلاب
حصار الضيم طكنه وبعنه البيوت
عساها بخت كلمن صار الاسباب
على الحيطان نرسم بيت مبيوع
وابو مطلع بناته بطرك الثياب
علينه البيت يلطم وهوه مرسوم
شلع باب الرسم وتكوم تراب
يعباس الصدك ماودي شكواي
لجن سالت غصب هاي المدامع
تحسرت الحضن ما عشنه بأحضان
من ارحامهن طحنه بمواضع
ولاشفنه المراضع يوم الصيام
صناديك الفشك صارت مراضع
جنت كلش طفل اغطي الوجه وين
يعباس القصف ما خله شارع
شفت عيسى انصلب بس ما شفت نوح
صليب اسود تحول كل تقاطع
علينه تأمرت من جنه ربعان
مدافعكم رمت حتى الجوامع
بس ربك ستر ما رادنه نموت
علينه من السمه يوصي المدافع
واذا طاحن قذايف بالدرابين
تشك الزيج وتضمنه الشوارع
-----------------------------
للشاعر نائل مظفر

يسلمووووو

حلووووو [ندعوك للتسجيل في المنتدى أو التعريف بنفسك لمعاينة هذه الصورة]

يسلموووووووووو

مشكورررررر روووووووعة

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووو [ندعوك للتسجيل في المنتدى أو التعريف بنفسك لمعاينة هذه الصورة]

» قصيده رائعه للشاعر نائل المظفر
» قصيده نائل المظفر
» زنجيل من الابوذيات للشاعر نائل المظفر
» زهيري للشاعر المبدع نائل المظفر
» الحب الاول -للشاعر الكبير ( نائل المظفر )