زهيري للشاعر المبدع نائل المظفر

اليمه بلرمل راس نعمه اندفن
طس افصول السنه انه ابردن اندفن
مو مثل روحي كطن وهموموي بيه اندفن
اومحد درس ياطهى ابداخلي اشكطعت
وشكد امرني الوكت ياصاح وشكد طعت
وشجم جرح خط ونه غركان وشكد طعت
بس كون اطلع ردت وطلعت قطعه حزن
جاتفني وكتي جتف وحباله بيدي حزن
وزني نص طن ضلم اونص طن حزن راح حزن
اوبين الضلم والحزن نصين انى من فقر
المن تدبني الوكت كالولي بالمن فقر
قر من شنو تشتكي كلت اشتكي من فقر
بس انه مو من فقر جنت اشتكي من ضلم
من ضلم لاكن خفت ماكلت انا منضلم
الوكته ضلمه الصبح بيه الكضيه من ضلم
مليت من ضلمتي والوكت بيه جرم
اجرام ترس السمه ماشع عليه جرم
يالرب وين اشتكي والشكوه عدهم جرم
كال الله لا تشتكي انا الله والشكوه الي
مو للبغض حيدرا ياعبدي والشك والي
وبصوت مؤمن صحت عال بغض والشك والي
والي دربنه عدل عن جدم منزله
باوع لمامك علي ناصي اشكثر منزله
وشكثر سكنو قصر بس محد علاه منزله
بس اني كلي غرك وسنجدت صاح الي
مامد جفه الردي مره والا صاح الي
ياصاح انجدني ماضل كتر صاح الي
لو روحي قطعة صخر وانته غركت لنجتك
جا ليش بيه اكسرت وتندمت لنجنتك
مارتك اذب الزرك فوكاي من لنجتك
رتك تذبلي حبل بلي اكض وبالطرف
عينك شني او مابجت سده بنت بالطرف
ياجار فازع الك بس اني الك بالطرف
او بسيوف جوالك امس وانه اوكفتلك درع
المفروض من اغركت ثوبك تدرعى درع
والجيف يفزع علي بحري اومشات اودرع
شو جندي واحد اجه او مات الكلب جاه مالك
او ياكلبي جف الردي مدى جذب جاه مالك
يدري ابضميره يعط فوك البحر جاملك
يا حيف كلبي غرك او محد حبل تف عليه
او ياروحه مثل الكلب حرتي شنو تف عليه
لت عاتبين الوكت هاذا الوكت تف عليه
مكلوب مابيه عدل حتى صدك بيه جذب
او يادنيه صرتي بحرمجتوف انه بيه جذب
ياروحي عال تهلكه مجبور انا بيه جذب
الدنيه ضلمه اوعصف او ماكدر ابجوهره
او ياحيف غشني الذي عنه كلت حوهره
صار انه صوتي صده هوه صده جوهره

بس هسه لا ميزت بين الصدى والفضه
الواطي واطي يضل لو صيطه وصط الفضه
مالفض اسمه لان يكبر اذا الفضه
ويصير يا صاحبي راس العبد نستله
اوبسمه يتونس لان انه لونستله
لا خل يسل خنجره من ايده ثق نستله
اوأبسمه لايفتخر حتى القرد عده اسم
والعضني كبله انكلب حتى العسل عده سم
ملتمه ناسه عليه بس مو عليه عده سم
عافوني كلهم لان شافوني ماعندي شي
او صح اني معندي شي ينثرد بس عندشي
والصفوكو عالشعل ماصفكو عدشي
ياغيمه عوفي المطر ضلي علي ضلي
ماريد اشوف الشمس كبرت عالي ضلي
بالدنيه المن اضلن بيه شنو ضلي
خاطر علي تمن وانه المن منهى
سنين ابحياتي عشت اشحصلت من نهى
لا حصلت من هلي لا حصلت من نهى
لا حصلتلي بشر يدفني حي واندفن
اتمنى تعجبكم
تحياتي

جميل جدا يا سامر شكرا لنقلك

حبيبي منوووووووووووووور

حلووووو [ندعوك للتسجيل في المنتدى أو التعريف بنفسك لمعاينة هذه الصورة]

يسلموووووووووو

مشكورررررر روووووووعة

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووو [ندعوك للتسجيل في المنتدى أو التعريف بنفسك لمعاينة هذه الصورة]

» قصيده للشاعر نائل المظفر
» قصيده رائعه للشاعر نائل المظفر
» زنجيل من الابوذيات للشاعر نائل المظفر
» الحب الاول -للشاعر الكبير ( نائل المظفر )
» الحب الاول -للشاعر الكبير ( نائل المظفر )