زنجيل من الابوذيات للشاعر نائل المظفر

كال انته كلبك جلد كتله انه احس بالي
كال انته ليش ازعلت كتله انه حس بالي
كال انته فاهم غلط كتله انه حسبالي

كال انه احبك اضل كتله البخت حالك
كال انه ابيض كلب كتله البخت حالك
كال انه يمك نمت كتله البخت حالك

كال انته متمسني كتله انته صاير شمس
كال انته امس شو تمل كتله انته صاير شمس
كال انته صاير حلو كتله انته صاير شمس

كال انه شمعه وضوت كتله انه لوحه وطفت
كال انه حضره عشك كتله انه لوح وطفت
كال انه بحر الغزل كتله انه لوحه وطفت

كال انته رايد منو كتله انه اريدك بلم
كال انه ماتو هلي كتله انه اريدك بلم
كال انته عمرك حزن كتله انه اريدك بلم

كال انته عمرك حزن كتله انته متعه فيه
كال انته جسمك ضعف كتله انته متعافيه
كال انته منغر عليّ كتله انته متعافي
كال انه احس مبتلي كتله انه احس بالي
للشاعر
نائل المظفر