يعطش بي جرح ويوشل الشريان
وتجوع ادموع عندي وتاكل اعيوني
دفعوني طحت ملح اعلة حظن الماي
وبحجت ندم بهداي خبطوني
الكمر كالو دربهم رافكتهم عون
الخيال الي انطبع للبير ودوني
درع سهم الكصدهم كبحت وياه
ومن اتحالفو للسهم جتفوني
انة اجفوفي السما من جدن اختاظيت
مودرهم كمر خليت نكروني
عطشو نكطت شمعة وعشكهم نار
ومن شربو ظواية ارماد عافوني
تانوني عثك من جنت مر بالظوك
ومن طبعي حله من النخل ذبحوني
على جلد النهركتبولي جلمة عيد
وعلى ابهام الندامة ايكتبن اسنوني
انة الباب الشمس في اطلب اتعنيت
ومن جبتة بحلك متروس ذموني
موذنبي الفقر من هالذنب معصوم
انة الظيفي هلة ينترس ماعوني
وموذني التعب بس ذنبي جلمة انطيت
كبل لايطيح حملي ايطيحن امتوني
اذا خد الشمس مس شفة الماي
اخدود الكون كلها اتصير حمرة
واذا اتبدة العسل فوك الفناجين
الدلة من زعلها اتصير مرة
واذا التابوت وكر فوك الجتاف
بساتين الفرح تنكلب صفرة
جنح الكاع ييبس تبجي الغيوم
تدج فوك الجنح ريشات خظرة
مدام النهر يجري الجسر بي روح
بس ينشف يصير الجسر صخرة
وترة اليمشي شهر قلة اليمدحوه
مومثل اليسوي النهر عبرة
وباوع على اثار السبع بالكاع
على اخدود الرمل تالكاها صطرة
شمرة كون اله اليصير صياد
اشمااتعلم الغشيم ايخيب شمرة
شظخن فيهن اجفوف النخل بالصيف
بس وكت المطر ماتكض كطرة
امبين ذاك هو الماهو سابوح
يجرثوب الجرف لو ماي جرة
وتتعب لاتشمرة اشماحوة الريش
صدكني الطيور اطير فطرة
يلح الطبر من ايبوس الاشجار
بس السيف من ايبوس مرة
موضوع: ميثم فالح وقصيدة الغدر 
الإثنين 08 ديسمبر 2008, 9:28 pm
