الشاعر فالح حسون الدراجي

انه وياك وصفنتي واخر الليل
انتحاسب عالسهر والهم والاذنوب
ومثل اخر جكاره بأخر الليل
نفس .. نفسين روحي وبيدك اتذوب
احشمن عليك باخر الليل
من يبجي الشمس لوطاح الاغروب
افزز من عليك بوحشت الليل
اذا من غير فــزه .. الكون مرعوب
اشو عنتر زماني يصير ياليل
عليا والشديد ايصير شيــــبوب
يركضني الزمان بمركض الخيل
وبعد ما طيح يســـأل خــو مامتعوب
أذا غالب .. يردني بأاخر الخــــيل
واذا مغلوب شحجي وانه مغلوب
يجويني الزمان ابماشت الليل
ويناشدني ابصلافه اتوب .. ماتوب
انه اسويت حته انتوب ياليل
غير املك .. ملاحه وطبع مرغوب
جاراتي خواتي وحامي الادخيل
وماوسخت نفسي وشلت مذبوب
وهذني اجفوف اديا اشهود ياليل
ما جسمن جسم غالب لمغلوبـــــ
حلاتك بالرجل جاكوج ياليل
ولا يكضي العمر سندان مضرؤب
انه العود الرقيق البلهوى يميل
واذا اسمع قصيده ارويحتي اذوب
انه السان العفيف منكع بهيل
وانه الطيره التنام بفي الحبوب
انه البيت الاطبه جامع يصير
لان اصل الوفاء بكصتي مكتوب
ثكل همي القصايد يهدم الحيل
وعساهه بقلق شاعر حاسد يلوب
اذا ذنب السهر معذور ياليل
لان بس الدجاج ينام الغروب
واذا ذنبي الشرب محسوب ياليل
اكولن أي نعم .. اثام .. وذنوب
لجن شربي عصير الشمس ياليل
وهم تحسب عصير الشمس مشروب
حزنه ايفت حشايا الكلب ياليل
ولوما هل الشرب ماظلت اكلوب
الشرب يمسح غبار الكلب ياليل
ومن يرضى يعيش ابكلب متعوب
عله ياهو تحسدنه الناس ياليل
واسمنه ابكل حلك ماكول مشروب
اجادل نعم .. واعاند صح ...
واذا رادت صبر ..تلكاني ايوب
انه بصدري شعاع ايمان ياليل
وكل نبضه بوريدي تحش الاذنوب
اذا انخه علينه بيـــوم ياليل
تخرس المنايا وتنجلي النــــــــوب
واذا ضكت عليا الباب باليل
دمعـــــه اعل الحسين تفلش البوب

حلووووو [ندعوك للتسجيل في المنتدى أو التعريف بنفسك لمعاينة هذه الصورة]

يسلموووووووووو

مشكوررررر روووووووعة

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووو [ندعوك للتسجيل في المنتدى أو التعريف بنفسك لمعاينة هذه الصورة]