ابوديات جميله

موضوع: ابوديات جميله الأحد 26 أبريل 2009, 10:20 pm

يامن حسن الخلق ملبسة ورداه
سهم لحظك صوب الدلال ورداه
اتمنى اوصل الخدك واشم ورداه
حتى اطيب وماتظل كل علة بية

السبب مو بالي تدرس :: بالبستها
وعطر جوري اشمك :: بالبستها
تكلي ما بستها :: بل بستها
وبوستها لهسه اتبوس بية

يبو طول الحلو والعسل:: شفتك
غرامك شبكاني وبعد :: شفتك
طحت وسودنت من يوم :: شفتك
وكمت ازحف زحف بثنين ادية

عجب بنجين تلعب واني سيتك
وامس بالضيج طايح وانسيتك
اضل دوم بذكركم وان نسيتك
حشم مطلوب اضلك للمنية

هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية

حـرت شختار غير اني احبك
دخـت ملكيت غير اني احبك
اعيبه الكال غير اني احبك
وعيبك لوتحب انته عليـه

هذه ابو ذية كتبها شاعر الابو ذية الكبير المرحوم ابو معيشي الشمري
عندما دق بابه المرض في احدى الايام وشعر بالموت يقترب منه
فأنتخى بأمير المؤمنين الامام علي (عليه السلام) قائلاً
"""""""""""""

طحـت ما حرك اجدامي وديني
ولعد العذال مصلحتي وديني
علي يا عروة الوثقى وديني
بظهر غوجك يمير التفت لية

عجب كل يوم تتراخة وجلباك
الدغش فكا على كلبك وجلباك
نخيت كمت تتمضحك وجلبك
عرك وجهة وبجة اعلةلصار بية

ألي صديق أسمه ابو ياسر وهذا الابو ذيه موجه اله

يبو ياسر اريد انخاك وياي
احبن والاحبـه شـاد ويـاي
ازوره كربلا لو صفه وياي
رايح جاي مصروفه عليه

فمارد عليه

قلت له
شعجب يفلان ردك ماكو منه
شحنك لو رصيدك ماكو منه
يكولون ابو ياسر ماكو منه
شاعر مقتدر مارد عليه

وحك سورت الم نشرح والف لام
وبعد ماتنفع اعذارك ولفلام
الف منعوني عن حبك والف لام
وعشر تالاف بس تحجي عليه

بجهنم ارد اذب روحي وصلها
بسبب محد من احبابي وصلها
الخوه ضاع معناها واصلها
واصبح كل خوي ناكر خويه

فضلك زاد عن حدنه وسرنه
وسلكنه دروب من طيبك وسرنه
حبك حيل قيدنه وسرنه
والف شباج حط حبك عليه

جفوني هواي عدوانًا وظلماًً
ولياليي النور مامرهن وظلماً
الـبي هـده رحـل عـني وظلماً
المتانيني أمن أطيح يهد علية
1=الظلم
2=الظلام
3=ظل من

حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه

روحي هموم شخصك ما شكتلة
وعليك دموعي تهمل ماشي كتلة
نزل سهمك بكلبي ماشي كتلة
كتلت الروح وأنتة تعيش بية

الدمع مرات مو بس حزن يعني
ثكيل وبس عليك الجدم يعني
على احوالة سألتة وكال يعني
ومعنى اليعني مالك غرض بيه

همت بالبيد انة وضعت بيداي
الوب ومانمت بالليل بيداي
طحت ابير جفك جان بيدي
كلتلك جرني ليش تعوف ادية

عرفت الليل بين من نيمتة
ومن وكتي انة افرح منة يمتة
مرة الجفن نام ومن نيمتة
زعل واغتاض واتسودن علية

نـفوت اعـله الرواسي وانمر
واحـدنـه شبيـه الاسـد وانـمر
عسل نصبح لريج المحب وانمر
ولـريج العـدو سـم واذيـه

حلووووو [ندعوك للتسجيل في المنتدى أو التعريف بنفسك لمعاينة هذه الصورة]

مشكوررررر روووووووعة

يسلموووووووووو

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووو [ندعوك للتسجيل في المنتدى أو التعريف بنفسك لمعاينة هذه الصورة]