من اخر قصائد الشاعر علي الملا الخزاعي

"](الماء والخضراء))

الماء والخضراء والوجه الجميل
هنه ذني اتوصفن ضد التعب
النفط وامريكا والابس قناع!!
هنه ذني اتوثقن ضد الشعب
المايلوح العنب حامض خل يكول

اشرايكم بالضاكه ويسب العنب

مانريد البرتب يعله ويكون
اندور اعله الشخص بي تعله الرتب
انريد واحد من ذهب مو من حديد
عمره مايتغير ويصدى الذهب
كلشي عدنه اتغير وحته الكمان
نسمع ايدندن قنابل مو طرب
اعزاز جنه انغني ردناكم تجون؟؟؟
وتايبين اعليهه حولنه الطلب!!
كبل جنه انخاف مانذكر احسين
ومن اجيتوا انخاف مانذكر وهب
بروح دارينه النخل عن لايموت
ومن اجيتوا اعيونكم بس عالرطب
اشكد زرعنه احلام يم باب الحدود
وصار حصتكم رطب واحنه الكرب
ردنه ماي ايرجع الهور اللي مات
نعم جبتوا الماي بس بكتوا الكصب
عمر منتظرين واحد مثل نوح
ايخلص الوادم اذا ربك غضب
وصرنه ضده ولحد ايكلنه ليش
بس البحزبه انحسب وياه ركب
كوموا احسبوا اجم فقير وكلبه جام
ومو ابطلقه ابدمعة العوز انضرب
روس كعدت عالكراسي والضمير
وفوك جذع الغيره جم راس انصلب
كبل شوف اعيونه ابطول النهار
وهسه شوف اعيونه الحد الركب
احنه كلشي اكبالنه انسوي رماد
نار تاكل يرضى مايرضى الحطب
انتوا ظل اكراب واحنه الذو الفقار
وبيد حيدر نكدر انلوح الركب
لاتخافون الشع يكدر يعيش
كافي دمنه اكبالنه انشوفه انشرب
اغنياء انعيش بتراب الحسين
ناخذ احنه اترابه ونسوي ترب

شكرا سامر على القصيدة الرائعة

حلووووو [ندعوك للتسجيل في المنتدى أو التعريف بنفسك لمعاينة هذه الصورة]

مشكوررررر روووووووعة

يسلموووووووووو

يسلمووو [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

يسلموووووووووووووووو الانامل [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

» ومضات خزاعيه جديده ... علي الملا الخزاعي
» ابوذيات خزاعيه جديده ....علي الملا الخزاعي
» الشاعر فالح حسون الدراجي
» قصائد في حب الوطن
» ابو ذيات كتبها الشاعر رحيم المالكي