محاوره بين شخصين الاول من بغداد والثاني من البصرة

((( محاوره بين مبدعين الاول من بغداد والثاني من البصرة )))



تدري الكلب مشتاك للبصره كلهه
مايحله طيب السان اله بذكرهه
بصراوي واهلي هنا من عهد الاجداد
لكن تريد الروح تتعنه بغداد
صير انت ابن بغداد وانهب مكانك
شوف شكثر لوعات ينطي زمانك
منكم خذيت الطيب يا اهل الاجواد
والبصره ايد ابيد تبقه وي بغداد
لو دورت بالكون ماتلكه منه
اهل الكرم والطيب شيمه اهلنه
من ادخل البغداد ماجني باعد
بالبصره ياهلناس عبالي كاعد
ام قصر والعشار والبصره كلهه
لو دورت بالكون ماتلكه منهه
قتل وزمر وارهاب بغدادي صارت
من العدو وغريب نفسيتي حارت

خويه الوطن محتاج رايد صبرنه
هل شده عنه ادزول وتروح منه
كراده والمنصور وحتى الرصافه
قمه وجمال وذوق واكثر لطافه
كون امشي تالي الليل واتنه يمكم
واشتم هوى العشار واكل تمركم
من ادخل البغداد تاخذني حسره
كل هذا مهتميت حسبالي بصره

كل هذا بيه الصار ومنوره بغداد
شوكه تظل للدوم ابعين الاحقاد
ريت الزمان ايعود والوكت ينعاد
ترجعلي ام الخير عاصمتي بغداد
تدري انت كلش زين باجر يجينه
بالضحكه والافراح تتحنه ادينه
باجر وما ادراك اشيحمل هموم
مثل الطفل يفلان عن امه مفطوم
نصبر نكول الضيم من عدنه لحضه ايروح
وبطيب اهلنه الزين تلتم الجروح
نصبر نضل للدوم لا ما نطخ راس
والبصره وي بغداد تنتخي بعباس
اتمنه ان تنال رضاكم

  [ندعوك للتسجيل في المنتدى أو التعريف بنفسك لمعاينة هذه الصورة]  [ندعوك للتسجيل في المنتدى أو التعريف بنفسك لمعاينة هذه الصورة]