انه وربعي

ماناسي ونسوني وهمـــه الاعــــزاز
جانو على الكلب واشمعنه يــــنسون

انه وربـــعي بشكل ناعـــــــور والمـاي
يتسوني بوزة وبالنفهه يجـــــــــفــــون

معـــــقـــــولة اللــــيالي اتغـــير الناس
اشو هــــذا انــــــي مــــامتغير اشلون

احبلهم الـــــخـــير وهــــــمه ياخـــــير
علية اسهام وكت الشــــده يرمـــــون

وانه بروحي اشتريهم وادفـــع الــــروح
ثمن معنه الصداقة ومـــــايـــوافـــــــون

بكــــت العيد بوكــــة وجبته بســكــوت
كلت ربعــي وفرحهم منيتي اتـــــكــون

وشرو عــــاشور صــــوغة ولية جــــابو
خــــــاطــــــر مو دمع دم تبجي العيون

وانه عيوني بوكت مــــاعطشو دمــــوع
سواجي وياما مــــن دمــــــوعي يرون

حسافة وياحسافة اتسكت الجــــروح
اذا بجروحي احس ايــــتام يبـــجــــون

صدك هذا الوكت مـــــايستحي هواي
لأن خله الشريف بمستوى الـــــــدون

مثل ماكـــــالــو احنه اصحاب الحسين
ومـــــكـــاتيب اشكـــــــثر جـــانو يدون

ومن صارت صدك خو شفتو الانــــصاف
نفس الحـــــابرو هــــــمه اليـــــــكتبون


اذآ كل داعـــــــي مــــاكو نعيد العتاب
لأن ربعــــــــي العتب مـــــاظنه يسون

ولأن كلبي اني صافي بشكل الـــورود
كــــل هــــــذا وابد مــــاغيـــرت لـــون

اكول الدنية ماتبقة على هـــــل الحال
اكيد اشــــما تـــــعسر باجــــــر تهون

  [ندعوك للتسجيل في المنتدى أو التعريف بنفسك لمعاينة هذه الصورة]  [ندعوك للتسجيل في المنتدى أو التعريف بنفسك لمعاينة هذه الصورة]